Policia boliviane sekuestroi sasinë e dytë më të madhe të drogës në historinë e vendit në fillim të kësaj jave, me 7.2 ton kokainë të destinuar për në Belgjikë, me një vlerë prej gati gjysmë miliardë dollarësh.
Operacioni u krye në Pissiga, në kufi me Kilin. Droga ishte fshehur në dy kamionë që transportonin skrap, që do të eksportohej në Europë nëpërmjet një porti kilian në Oqeanin Paqësor.
Trafikanti u arratis nga vendi i Amerikës Latine në SHBA.
RELATED STORIES
Në janar, policia njoftoi sekuestrimin e sasisë më të madhe të kokainës në historinë e Bolivisë, që arrin në më shumë se 8 tonë, gjithashtu në kufi me Kilin.
Bolivia është ndër vendet me prodhimin më të madh të lëndës së parë së kokainës në të gjithë botën.
Zyra e Kombeve të Bashkuara për Kontrollin e Drogës dhe Parandalimin e Krimit (ONUDC) ka regjistruar një rritje të madhe të trafikut të kësaj droge nga Amerika Latine, kryesisht drejt Europës.