Greqia po përballet me një situatë apokaliptike të shkaktuar nga zjarret, teksa tashmë ka kërkuar për ndihëm ndërkombëtare.
Shteti helen ka apeluar për ndihmë për të luftuar me vatrën e zjarrit që po i afrohet periferisë veriore të Athinës. Ndihma pritet nga Spanja, Italia, Turqia dhe Kanadaja, teksa Franca ka dërguar një helikopter të shërbimeve “Super Puma”, e po ashtu Republika Çeke do të nisi 75 zjarrfikës dhe 25 automjete zjarrfikëse.
Zjarri ka më shumë se 24 orë që është aktiv ndërsa zjarrfikësit po luftojnë për ta vënë nën kontroll.
RELATED STORIES
Gjithashtu thuhet se objektet e Observatorit Kombëtar të Athinës në Penteli janë nën kërcënim, pasi flaka vijon të përhapet më pranë kryeqytetit grek.
Sipas mediave vendase, avionëve u kanë mbetur vetëm dy orë deri sa të perëndojë dielli, pas kësaj ata duhet të ulen, dhe operacioni i shuarjes së zjarrit do të bëhet nga zjarrfikësit dhe mjetet e zjarrit në terren. Ndërkohë një helikopter zjarrfikës u desh të ulej më herët për shkak të një defekti mekanik.