Një tragjedi ka ndodhur në lumin Drina, i cili shënon kufirin mes Serbisë dhe Bosnje-Hercegovinës, ku një varkë me emigrantë ilegalë u përmbys, duke shkaktuar vdekjen e të paktën tetë personave.
Incidenti ndodhi herët në mëngjes dhe për momentin, shumë të tjerë rezultojnë të zhdukur.
Sipas Ministrit të Brendshëm të Serbisë, Ivica Daçiç, autoritetet e policisë kanë marrë raportime nga Bosnja dhe nga një qytetar që kishte njoftuar për ngjarjen. Varka, e cila kishte në bord rreth 30 persona, përmbysi në përpjekje për të kaluar lumin.
RELATED STORIES
Raportohet se 18 nga ata arritën të shpëtojnë dhe të dalin në bregun boshnjak. Ekipet e shpëtimit dhe policia janë angazhuar në kërkimin e të mbijetuarve.