Një aksident i rëndë ka ndodhur në aksin Elbasan-Peqin, ku janë përfshirë një trajler dhe dy makina.
Sipas raportimeve, pavarësisht përplasjes së fortë, të gjithë drejtuesit e mjeteve kanë shpëtuar pa dëmtime serioze, përveç njërit që ka marrë plagë të lehta dhe është duke u trajtuar në spital.
Trajleri dhe një automjet tip Audi kanë përfunduar jashtë rrugës, ndërsa një automjet tjetër tip SUV është dëmtuar rëndë, duke u shkatërruar plotësisht.
Drejtuesi i trajlerit është vetëparaqitur në polici dhe aktualisht po hetohet për shkaqet e aksidentit.