ITALI- Policia e Pistoia-s në Itali, organizoi një operacion anti-drogë ku për pasojë u vunë në pranga 16 persona. Mësohet se 6 prej të arrestuarëve janë dënuar me burg, 4 janë në arrest shtëpiak dhe pjesa tjetër në masën e sigurisë detyrim paraqitje.
Pjesë e grupit kriminal ishin edhe disa shqiptarë. Mësohet se këta persona trafikonin dhe posedonin lëndë të ndryshme narkotike si kokainë, në vende si Pistoia, Piza, Prato, Livorno dhe Perugia.
Gjyqtari hetues ka urdhëruar edhe sekuestrimin me qëllim të konfiskimit të shumave të parave apo pasurisë së luajtshme dhe të paluajtshme me vlerë totale mbi dy milionë euro.
RELATED STORIES
Gjatë hetimeve u kryen tre arrestime në flagrancë dhe dy kallëzime për posedim të lëndëve narkotike me qëllim trafikim. Janë sekuestruar gjithsej 1218,7 gram kokainë, 6,6 gram hashash dhe një shirit qensh me numër serie të fshirë dhe një tytë të modifikuar për ta bërë armë lufte dhe njëzet gëzhoja.
Ende në qendër të hetimit, në nëntor 2023, kjo Skuadër ka vijuar me ekzekutimin e arrestit të përkohshëm për qëllime ekstradimi të lëshuar nga autoritetet zvicerane ndaj një shqiptar 40-vjeçar. Në banesë është kryer kontrolli dhe është vënë në gjurmim shqiptari, i cili u arrestua dhe u vendos në burgun në dispozicion të Gjykatës së Apelit për procedurat përkatëse.
Masa kufizuese në fjalë kishte të bënte edhe me shitjet e mëdha të lëndëve narkotike si kokaina dhe heroina, që dyshohet se janë kryer në vitin 2021 në Lugano.