Sekretari i Përgjithshëm i Partisë Demokratike, Gazment Bardhi, gjatë një konference me mediat u pyet në lidhje me deklaratat e tij të një dite më parë, se eksponentë grupit kriminal “B9”, nuk do të lejohen të hyjnë më në selinë e Partisë Demokratike.
Gazetarët e pyetën sekretarin e PD-së të ishte më konkretë në lidhje me këto akuza dhe të fliste me emra të përveçëm. Ai u përgjigj se një prej tyre është Myftar Lumneshi, shoqëruesi i Sali Berishës.
Deklarata
Pyetje: Keni deklaruar se persona me rekorde kriminale, të dënuar në Britaninë e Madhe, pjesë e grupit kriminal B9 janë parë në oborrin e selisë. Mund të na thoni emra ju lutem?
Gazment Bardhi: Po, shoqëruesi i Sali Berishës, Myftar Lumneshi. Faleminderit!