Presidenti i vendit, Ilir Meta ka vlerësuar maksimalisht në një postim në Facebook ish-futbollistin Sulejman Mema.
“Sulejman Mema ka qenë një futbollist i jashtëzakonshëm i një gjenerate të artë të Tiranës dhe Shqipërisë. Edhe sot kemi nostalgji për inteligjencën, fantazinë dhe finesën e tij në fushën e blertë e sidomos për encet, që përfundonin në rrjetë, më lehtë se edhe vetë penalltitë. Ai ishte ndër ata lojtarë, që fitonte edhe duartrokitjet e kundërshtarit. Edhe në këto tre dekada, Sulejman Mema i ka dhënë gjithçka futbollit me pasion, profesionalizëm dhe qytetari, siç i përket gjithmonë familjes së madhe sportive Mema. Për Sul Memën, nuk ka patur dhe nuk mund të këtë fishkëllima, por vetëm DUARTROKITJE! “, shkruan Meta.
Ky reagim i Metës vjen pak orë pas publikimit të një audiopërgjimi, ku kryetari i Bashkisë Tiranë, Erion Veliaj dëgjohet duke folur me një gjuhë të papërshtatshme me ish-futbollistin tepër të njohur, Sulejman Mema.
RELATED STORIES
“Po mirë mor Sulë (i drejtohet Sulejman Memës, kreytarit të Shoqatës Rajonale Tiranë): Si ka mundësi që ju ka marrë burrërinë?! Si mund të presë robi koq*t dhe të sillet si rrotë k**i?! Nuk jemi kurva që të fshihemi, jemi 40 burra që do shkojmë në FSHF t’u bëjmë shurrën”, dëgjohet të ketë thënë Veliaj në përgjim.