Një histori dramatike vjen nga Kina, ku protagonist është 17-vjeçari Liu Xuezhou.
I shitur në vitin 2005, ai mbeti jetim nga prindërit e tij birësues, dy fermerë nga provinca Hebei, pasi ata vdiqën pas një shpërthimi në shtëpinë e tyre.
Liu kaloi nga familja në familje, por disa muaj më parë ai arriti të gjurmonte prindërit e tij biologjikë dhe, madje me ndihmën e policisë, t’i takonte ata.
Ai takohet me të atin, Ding Shuangquan dhe me nënën Zhang. Çifti u divorcua dhe të dy krijuan familje të reja. Me pak fjalë, për Xuezhou, nuk kishte hapësirë ??në jetën e tyre.
Disa javë më parë djali kishte postuar në rrjetet sociale një mesazh që njoftonte se babai dhe nëna e tij biologjike kishin vendosur të ndërpresin lidhjet me të për herë të dytë.
Dje, në mesazhin e tij të lamtumirës kishte shkruar: “Jam braktisur dy herë nga prindërit e mi”.
Sipas raportimeve nga babai dhe nëna e tij biologjike, djali donte t’i detyronte t’i blinin një shtëpi, gjë që nuk mund ta bënin për mungesë burimesh financiare.