Mbledhja e djeshme e Kryesisë së Lulzim Bashës është shoqëruar me debate. Deputeti Basha është përpjekur të paraqesë një realtet tjetër, komplet të rremë të situatës në PD.
Por jo të gjithë besnikët kanë qenë në një mendje me të.
Xhelal Mziu, drejtues politik në Qarkun e Dibrës dhe njëkohësisht anëtar i Kryesisë së Bashës, ka replikuar ashpër.
RELATED STORIES
Ai i është drejtuar deputetëve Lulzim Basha dhe Kreshnik Çollaku se dega e PD në Mat është shkrirë, pasi sot numëron 1300 anëtarë më pak në PD.
Mziu thotë se, struktura dhe anëtarësia e PD-së në Mat i janë bashkuar ‘Foltores’ së liderit historik Sali Berisha.
“Po çfarë janë këto që thua, mor burrë? Na kanë mbrojtur me gjak e me jetë. Ku ishte nevoja?! Ku pati gjak e rrezik për jetë? Ndërkohë ti thua se i ke degët e konsoliduara, ndërkohë që Mati yt ka 1300 anëtarë më pak. Të kanë ikur të gjithë te Foltorja, si i ke në rregull? Prandaj thashë se duhet një analizë qoftë e zgjedhjeve, por qoftë edhe për situatën pas 7 shtatorit”, u shpreh Mziu