Zgjedhjet e pjesshme vendore po afrojmë. Zyrtarisht, kandidatët janë përcaktuar në të gjashta bashkitë që janë pa kryetar.
Koalicioni “Shtëpia e Lirisë” do të përfaqësohet nga emrat e dalë nga primaret, PS zgjodhi në mbledhjen e Kryesisë emrat e saj, ndërsa Lulzim Basha ishte i vetmi që i vonoi emrat.
Nga zyra e tij, së bashku me Gaz Bardhin dhe Enkelejd Alibeajn, Basha përzgjodhi gjashtë emrat, duke i etiketuar si më të mirët.
RELATED STORIES
Basha ka zgjedhur për Vorën, si kandidat Ymer Marku. Por kush është Ymer Marku, kandidati që Basha ka caktuar për Bashkinë e Vorës?
Media ka siguruar dokumenta, të cilat faktojnë se Marku i cili është i diplomuar për juridik ka qenë këshilltari i kryebashkiakut socialist të bashkise Vorë.
Basha ka kandiduar këshilltarin e socialistëve nën siglën e PD për të marrë drejtimin e Bashkisë së Vorës.
CNA.al, do të publikoj të tjera detaje ditën e nesërme, për të nxjerrë në pah se kush është në të vërtetë kandidati i Lulzim Bashës për kryebashkiak të Vorës.
