Teksa ende nuk dihet se si do të shkojnë gjërat mes Rusisë dhe Ukrainës, mes një tymnaje informacionesh dhe lëvizjesh, SHBA duket se luan pjesën e saj.
Një helikopter “Blackhawk” i ushtrisë amerikane u shfaq në kufirin polako-ukrainas duke marrë disa pasagjerë nga një fuoristradë SUV.
Sipas informacioneve, helikopteri me të dhënat UH-60M dhe numër 20-21131 u shfaq në lindje të aeroportit Mielec në Poloni pak përpara mesnatës. Më pas, u ndal në pikën kufitare Korçova-Krakovets.
Këto lëvizje vijnë pas urdhërit të presidentit amerikan Joe Biden që ambasada e SHBA në Ukrainë të zhvendoset përkohësisht nga Kievi në Lviv nga frika e pushtimit rus.