Arlen Hasanaj, i arrestuar si i dyshuar për vendosjen e tritolit te shtëpia e Armand Dukës në Durrës më 24 Janar, është lënë i lirë nga Gjykata e Apelit të Durrësit.
Bëhet vme dije se kjo gjykatë ka ndryshuar masën e sigurisë nga arrest në burg në detyrim paraqitje.
Arlen Hasanaj u arrestua një ditë pas shpërthimit të tritolit në shtëpinë e Presidentit të Federatës Shqiptare të Futbollit, si i dyshuar për vendosjen e lëndës plasëse.
Dy javë më parë, avokati i tij e konsideroi jo ligjore masën arrest në burg, duke thënë se bazuar në pamjet e kamerave të sigurisë, ka mospërputhje në oraret dhe vendndodhjen e Arlen Hasanaj dhe personit që vendosi tritolin.