Kreu i PD-së Lulzim Basha, është ndalur në Durrës ku ka prezantuar kandidatin për kryebashkiak në zgjedhjet e 6 Marsit, Luan Hoti.
Basha është ndalur te akuzat që atij i janë bërë, për një marrëveshje të fshehtë me Edi Ramën për portin e Durrësit, të cilat i mohoi.
Basha tha se PD është pro zhvillimit, por kjo nuk mund të bëhet në shkelje të konkurencës.
“Projekti i Portit të Durrësit, sharlatanët ecin në politikë, pasi i bëjnë njerëzit që të mos mendojnë. Ata hapin gojën dhe hanë atë që iu jepet, është ngritur një genjeshtër, sikur unë dhe i pari i qeverisë kemi një marrëveshje për portin e Durrësit, ne e konsiderojmë Portin e Durrësit një aferë.
Ne duam të shohim 6 miliardë që të investohen, jo 3, por do ta përmbledh me diçka që e kam përjetuar vetë. PD është pro zhvillimit, që nuk dëmton ato asete shekullore të Durrësit, që të bëhet kjo, nuk bëhet duke sjellë një sheik.
Shkoni shikoni ça bëhet te Bulevardi i Tiranës, me planet e këtyre. Sheikun që ka ardhur këtu nuk e paragjykoj, por kjo këtu nuk është një tokë pa Zot, por nuk mund ti jepe pa konkurencë, nuk mund të jepet porti, pas diskutimeve te Nusreti i Dubait.
Ata mbështesin konspiracionin, pavarësisht kostove që kanë. Ne jemi kundër projekteve 3D, jemi pro zhvillimit që vjen vetëm përmes gjithëpërfshirjes, të gjithë faktorëve”, tha Basha.