Bashkia Kuçovë e drejtuar nga Kreshnik Hajdari në mënyrë të dyshimtë i jep tenderin e “Shërbim për mirëmbajtjen e varrezave publike” kompanisë së PIENVIS SHPK që ka si pronar ish-deputetin e partisë socialiste, Pilo Keri. Tenderi me vlerë 145 milion lek është fituar nga kompania e Kerit në datën 15 Nëntor 2021.
Tashmë janë të njohura pazaret dhe alish-verishet sesi jepen dhe merren tenderat në qeverisjet vendore. Tendera të tillë që përfiton nga persona me prapavijë politike duhet të jenë objekt për organet e drejtësisë në të gjitha rastet.
Ish deputeti i PS-së, i lidhur me Ilir Metën, Pilo Keri, vijon të marrë tendera klientelistë. Pas tërmetit të 2019 iu shkërmoq pallati 10 katësh në Durrës për shkak të mashtrimit me cilësinë e ndërtimit, ndërhyri në rrugën Kavajë-Rrogozhinë për të favorizuar karburantin e tij, ku për pasojë humbën jetën 2 fëmijë. Të birin e kishte drejtor kabineti tek Haxhinasto nga i cili merrte tendera. Rama ia bëri drejtor të Aviacionit Civil
Sot duhet të ishte në burg për korrupsion, mashtrim, konflikt interesi dhe ndërtim të paligjshëm me pasoja në humbje jetë njerëzish, por vijon të marrë tendera të dyshimtë nga drejtorët dhe kryebashkiakët e Edi Ramës, sikur të mos kishte ndodhur asgjë. Bëhet fjalë për ish deputetin e Partisë Socialiste, Piro Kerin, në zonën e Kuçovës, tashmë një ndërtues i skeduar për skandale me pasoja të rënda dhe i lidhur me Ilir Metën- shkruante një vitë më parë Pamfleti.