Prokuroria e Përgjithshme ka nisur verifikimin për kandidatin e Lulzim Bashës në Rrogozhinë, Ferdinand Saraçi.
Sipas gazetarit të Report Tv, Arsen Rusta javën e ardhshme Saraçit do t’i merren shenjat e gishtave.
Kandidati i Bashës për drejtimin e Bashkisë së Rrogozhinës, Ferdinand Saraçi, është dënuar në Itali në 18 janar të vitit 1999, me 4 muaj burg dhe 100 mijë lireta gjobë, për veprën penale të mbajtjes së armës pa leje në banesë. Referuar formularit të dekriminalizimit, Saraçi ka ndryshuar edhe emrin nga Fredi në Ferdinand. Ai thotë se ka qëndruar Itali për biznes dhe punë gjatë periudhës 1996-2001. Po ashtu bëhet e ditur se në ditët në vijim Saraçi i Bashës do të përjashtohet nga KQZ dhe do të arrestohet për mashtrim dhe fshehje të dënimit. 
