Aktori i famshëm Steven Seagal ka komentuar pushtimin rus ndaj Ukrainës dhe u shpreh se i shikon të dy vendet si një familje.
“Shumica prej nesh kanë miq dhe familje në Rusi dhe Ukrainë” tha ylli i aksionit për Fox News. “Unë i shikoj të dyja si një familje dhe me të vërtetë besoj se është një ent i jashtëm që shpenzon shuma të mëdha parash në propagandë për të provokuar që të dy vendet të jenë në mosmarrëveshje me njëri-tjetrin.
Lutjet e mia janë që të dy vendet të arrijnë në një zgjidhje pozitive, paqësore, ku ne mund të jetojmë dhe të lulëzojmë së bashku në paqe,” tha 69-vjeçari.
Vitin e kaluar, Ukraina e ndaloi Seagal-in të hynte në vend për pesë vjet, duke përmendur arsyet e sigurisë kombëtare.
Aktori njihet për raportin e ngushtë me presidentin rus, Vladimir Putin. Aktori ka mbrojtur me zë të lartë politikat e liderit rus, duke përfshirë aneksimin e Krimesë në 2014, dhe ka kritikuar qeverinë amerikane.
Në vitin 2016, Putin i dha Seagal-it një pasaportë ruse. Seagal ka qenë një vizitor i rregullt në Rusi dhe ka shoqëruar Putinin në disa ngjarje të arteve marciale. Pasi i dha shtetësinë Seagal përmes një dekreti presidencial, Putin priti aktorin dhe i dorëzoi pasaportën.