Armando Broja vazhdon shkëlqimin e tij në Angli me skuadrën e Southampton, ndërsa siç jemi mësuar tashmë nga sulmuesi shqiptarë, një tjetër paraqitje e shkëlqyer na u “shërbye” nga 20-vjeçari.
Xhevahiri i kombëtares shqiptare edhe në ndeshjen e ditës së djeshme në FA Cup ishte vendimtar, teksa fitoi një penallti dhe shënoi një gol në triumfin 3-1 kundër West Ham United.
Me golin kundër West Ham, 20-vjeçari shqiptarë është përfshirë gjithsej në 10 gola direkt, 9 prej të cilëve i ka shënuar vetë. Të njëjtën gjë nga lojtarët në Premier League e kanë bërë vetëm 2 futbollistë.
Njëri është talenti i Arsenalit dhe Anglisë, Bukayo Saka (8 gola, 4 asiste), kurse tjetri Michael Olise i Crystal Palace. Anësori 20 vjeçar numëron 4 gola e 7 asiste në të gjitha garat.