Nga James Landale, BBC
Mes mjegullës së luftës mund të jetë e vështirë të shihet se cila është rruga përpara. Këto janë disa rezultate të mundshme. Shumica janë të zymtë.
2.Luftë e gjatë
Ndoshta skenari më i mundshëm. Ndoshta forcat ruse ngecin, me moral të ulët dhe logjistikë të dobët. Ata mund të kenë vështirësi për të kontrolluar qytetet e pushtuara. Me kalimin e kohës, forcat e Ukrainës bëjnë një kryengritje efektive, ndërsa Perëndimi vazhdon të furnizojë me armë. Ndoshta pas shumë vitesh, Rusia largohet përfundimisht.
3.Luftë evropiane
Putini mund të dërgojë trupa në ish-republikat sovjetike si Moldavia dhe Gjeorgjia, që nuk janë pjesë e NATO-s. Ose mund të ketë thjesht llogaritje të gabuara dhe përshkallëzim. Putini mund të rrezikojë nëse ndjen se është e vetmja mënyrë për të shpëtuar udhëheqjen e tij- nëse përballet me disfatën, ai mund të tundohet për të përshkallëzuar më tej.
4.Zgjidhja diplomatike
Duke pranuar tashmë bisedimet- edhe pse ato nuk kanë bërë shumë përparim- Putini duket se të paktën ka pranuar mundësinë e një armëpushimi të negociuar. Nse lufta shkon keq për të, Putini mund të gjykojë se vazhdimi është një kërcënim më i madh për pushtetin e tij sesa poshtërimi për t’i dhënë fund.
5.Rrëzimi i Putinit
Mund të duket e paimagjinueshme. Megjithatë bota ka ndryshuar ditët e fundit. Nëse lufta është katastrofike për Rusinë, mund të ekzistojë kërcënimi i një revolucioni popullor. Dhe nëse ata që kanë përfituar nga Putini mendojnë se ai nuk i mbron interesat e tyre më, një rezultat i tillë mund të mos jetë i pabesueshëm.