Ditën e sotme, kryetari i PD, Lulzim Basha ka zhvilluar një mbledhje me kolegjin e kryetarëve të degëve të PD nëpër rrethe lidhur me rezultatin negativ të shënuar në zgjedhjet e pjesshme lokale të 6 marsit.
Mes përkrahësve të Bashës ka qenë edhe kandidati i PD për Rrogozhinën, Ferdinand Saraçi i cili tha se e merrte vetë përgjegjësinë për humbjen që sipas tij u shkaktua sepse palët e tjera kishin blerë vota. Ai gjithashtu i kërkoi Bashës që të mos ndjehej fajtor dhe e këshilloi që t’u kërkonte llogari atyre që kishin shkuar në fushatë për të bërë foto.
Ferdinand Saraçi kryetar i deges Rrogozhine dhe kandidat i PD në 6 mars: Kishim përballë edhe qeverinë edhe Foltoren. PS dhe foltorja patën të deleguar që ndanin para. Ju më dërguat disa deputetë, por vetëm dash Sula la qenë në krah. Pati shitblerje të votës. Kanë parë e pushtet. Foltorja e dinte se nuk kishte shanse por vazhdoi me shantazhe e blerje votash. Nuk ke faj ti që humba Rrogozhinën, mbaj përgjegjësi vetë dhe duhet të jetë përgjegjësi edhe e deputetëve që ishin. Kërkoju llogari deputetëve, nuk vihet në fushatë për foto.
RELATED STORIES
