Ndonëse është treguar i ashpër me kritikat e tij ndaj ish-kryeministrit Sali Berisha dhe lëvizjes së tij, deputeti Agron Gjekmarkaj ka ndryshuar qëndrim 180 gradë duke u radhitur në anën e ish-kreut të PD.
Pasi u dorëhoq nga posti i nënkryetarit të PD pas humbjes në zgjedhjet e 6 Marsit, Agron Gjekmarkaj është fotografuar sot në kafene me mbështetësit e ish-kryeministrit Sali Berisha.
Në fotot e siguruara nga Panorama.al Agron Gjekmarkaj shihet bashkë me deputetët e Komisionit të Rithemelimit Flamur Noka dhe Edi Paloka. Mesa duket, ndonëse flet për parime, Gjekmarkaj nuk e ka problem të “lëpijë aty ku pështyn”, ku pasi e pa se Basha dështoi në udhëheqjen e PD u rikthye te Berisha.
RELATED STORIES
Gjithashtu, kujtojmë se më herët Gjekmarkaj ka deklaruar se do të jepte dorëheqjen nëse Berisha rikthehet në PD, por mesa duhet zhvillimet e fundit e kanë bërë të ndryshojë qëndrim, ndonëse nuk dihet ende se çfarë mund t’i ketë ofruar Berisha si shkëmbim.