Kreu i Partisë së Lirisë, Ilir Meta është i ftuar i parë në sezonin e ri mediatik 2022-2023 të emisionit “Open” në News24, ku përballet me panelin e përbërë nga analisti Arjon Sulo dhe drejtori i “News 24” Robert Rakipllari.
Temat e diskutimit të sotëm lidhen me zhvillimet politike në vend dhe hetimi që SPAK ka nisur për Metën, por edhe ligji që mazhoranca në pushtet kërkon të kalojë në Kuvend për ndryshimin e dy pikave në ligjin për dosjet e ish-Sigurimit të shtetit.
Meta deklaroi se Edi Rama i ka përdhosur institucionet dhe ato e kanë pranuar këtë gjë. Teksa u pyet për akuzat ndaj tij, si nga hetimi i SPAK, ashtu dhe nga Autoriteti i Dosjeve dhe përgjigjja e tij nga tyre, Meta tha se sulmet nuk vijnë nga institucionet.
RELATED STORIES
“Unë do t’iu ftoja të jemi sa më seriozë para teleshikuesve të cilët e kanë të gjithë inteligjencën të kuptojnë se sulmet s’vijnë as nga SPAK as nga Autoriteti i Dosjeve, por nga mafia në pushtet që i ka kapur prej fyti këto institucione. Edi Rama i ka përdhosur këto institucione dhe i ka thënë se çfarë duhet të bëjnë. Unë sot kam bërë publik kallëzimin penal q e kam dorëzuar në SPAK dhe prokurori për autoritetin. Anëtarët e Autoriteti të Manipulimit, se do bëjë marrëveshjen nesër me avokatin tim publik, ta ndjekë këtë çështje në nivel kombëtar këtu dhe në nivel ndërkombëtar. Pas 32 vitesh me metoda skandaloze njerëzve u lëndohet sërish e kaluar. Siç është rasti i zotërisë T.F., që i cenohet jeta dhe familje vetëm për arsye politike”, tha Meta.