Vittorio Boiocchi, kreu i ultra i Interit, u vra mbrëmjen e sotme me armë zjarri në Figino, në periferi perëndimore të Milanos.
Mediat e huaja bëjnë me dije se Boiocchi u qëllua në gjoks me tre plumba në via Fratelli Zanzottera, jo shumë larg shtëpisë së tij.
Ai vdiq pak momente pasi u dërgua në spital, për shkak të plagëve të rënda të marra. Ngjarja ka ndodhur pak momente para ndeshjes Inter-Sampdoria në stadiumin San Siro. Me të dëgjuar lajmin për vdekjen e Boiocchi-t, Curva Nord e Inter hoqi pankartat dhe pushoi së kënduari kore, si dhe një pjesë u largua nga stadiumi.
RELATED STORIES
Boiocchi ishte një emër i njohur për policinë pasi kishte disa ndër vite: grabitje, trafik droge dhe rrëmbim. Ai kishte kaluar mbi 26 vjet në burg, herën e fundit që u arrestua ishte viti 2021.