Serbia zhvilloi dje ndeshjen e tyre të parë në Kupën e Botës. Sfida e tyre e parë në Katar 2022, ishte kundër Brazilit e cila u mbyll me shifrat 2-0 në favor të Seleçaos.
Një foto është publikuar nga dhomat e zhveshjes të kombtëares serbe. Provokimi i tyre është ndaj Kosovës, ku në flamur shpalosin një hartë të Republikës së Kosovës me ngjyrat dhe shqiponjën serbe.
Në lidhje me këtë ka reaguar politikani dhe biznesmeni Behgjet Pacoli. Ai me anë të një postimi në rrjetet sociale shkruan se FIFA duhet të hetojë se përse një hartë e Kosovës është në flamurin e Serbisë dhe varet në dhomën e zhveshjes serbe.
RELATED STORIES
“Propaganda serbe deri në Katar. Diçka që FIFA duhet ta hetojë? Pse një hartë e Kosovës në flamurin e Serbisë varet në dhomën e zhveshjes serbe” shkruan Pacolli në postimin e tij.