SHBA-të kanë shënuar fitore ndaj Iranit me rezultat 1-0 në kuadër të ndeshjes së tretë të fazës së grupeve, triumf që ua mundëson amerikanëve të kalojnë në mesin e 16-të më të mirave.
Ndeshja nisi me të dy skuadrat që kishin kujdes, por me amerikanët që ishin më kërkues, pasi iu duhej fitorja.
Zhvillohej minuta e 38-të, kur Sergino Dest harkoi në zonë, duke e gjetur Christian Pulisicin, i cili nga afër shënoi për 1-0.
RELATED STORIES
Amerikanët shënuan edhe golin e dytë në kohën shtesë, por Timothy Weah ishte në pozitë jashtë loje.
Pjesa e dytë ishte e fortë, por edhe me shumë ndërprerje pasi që asnjëra skuadër nuk lëshuan asnjë metër.
Në anën tjetër në kohën shtesë Irani ka mundur të barazojë në minutën e 93-të, por gjuajtja me kokë e Morteza Pauraliganji shkoi ngjitur me shtyllën.
SHBA-të pas kësaj fitoreje me pesë pikë kalojnë tutje nga pozita e dytë, me dy më pak se Anglia që e mbylli si e para me shtatë pikë.
Irani me tri pikë mbeti i treti, ndërsa Uellsi me një pik e mbylli në vendin e fundit.