Gjykata e Kukësit ka vendosur masën e arrestit në shtëpi për 57 vjeçarin Xh. Sopaj i cili çrregjistroi nga gjendja civile një vajzë që nuk i kishte lindur asnjëherë.
Procedimi penal do të vijojë në gjendje të lirë për mjekun e Kukësit dhe sipërmarrësin e shërbimeve funerale të cilët rezulton të kishin kryer veprime fictive.
Ngjarja nisi javën e shkuar kur u zbuluan veprimet që në fakt dyshohet të jenë bërë në vitin 2021
RELATED STORIES
Për këtë procedurë kishte siguruar një kartelë lindje të datës 13 nëntor të nënshkruar prej një mjeku të asaj kohe. Me plotësimin e dokumenteve kishte nnisur edhe përfitimi financiar. Por me mbushjen 19 vjeç përfitimi financiar ishte ndërprerë, ndaj babai nisi procedurat me dokumente të tjera për ta deklaruar të vdekur dhe për ta çregjistruar.
Pas zbulimit të ngjarjes prokuroria ka marrë në pyetje edhe mjekun, por mësohet se ai ka mohuar të ketë lëshuar certifikatë vdekje. Edhe pronari i shërbimit funeral ka deklaruar se nuk ka lëshuar kupon apo të ketë kryer shërbime për rastin në fjalë, duke lindur dyshime se dhe firmat e vulat e përdorura kanë qenë të falsifikuara.