Një person ka ndërruar jetë në Fier si pasojë e një aksidenti. Viktima është një 34-vjeçar, i cili ishte duke kaluar rrugën në momentin që u përplas dhe ndërroi jetë në spital.
“Specialistët e Sektorit të Qarkullimit Rrugor të DVP Fier arrestuan në flagrancë shtetasin A. Ç., 24 vjeç, banues në Darëzezë, Fier, pasi në lagjen “Sheq i Madh”, Fier, duke drejtuar automjetin ka përplasur një këmbësor, shtetasin A. A., 34 vjeç, i cili ka ndërruar jetë në spital” njofton policia.
Gjithashtu janë arrestuar edhe disa persona të tjerë për vepra të ndryshme penale. “Specialistët për Hetimin e Krimeve të Komisariatit të Policisë Fier ndaluan shtetasin e shpallur në kërkim, A. Sh., 35 vjeç, banues në Patos, pasi Gjykata e Shkallës së Parë Fier e ka dënuar me 6 muaj burgim për veprën penale “Vjedhja.
RELATED STORIES
Specialistët për Hetimin e Krimeve të Komisariatit të Policisë Divjakë ndaluan shtetasin e shpallur në kërkim, A. A., 26 vjeç, banues në Tërbuf, Lushnjë, pasi Gjykata e Shkallës së Parë Lushnjë, e ka dënuar me 1 muaj burgim për veprën penale “Vjedhja.
Specialistët për Hetimin e Narkotikëve të DVP Fier referuan materialet në Prokurori dhe nisi procedimi në gjendje të lirë për shtetasin E. B., 35 vjeç, banues në Fier, pasi gjatë kontrollit të ushtruar nga shërbimet e Forcës së Posacme “Shqiponja”, në automjetin të cilin drejtonte, u gjet dhe u sekuestrua një sasi me lënde të dyshuar narkotike cannabis sativa.
Në Komisariatin e Policisë Fier ka bërë kallëzim shtetasi A. M., 39 vjeç, banues në Patos, se në datë 22.06.2023 është larguar nga banesa vajza e tij 14 vjeçe dhe nuk është kthyer më. Punohet për gjetjen e 14-vjeçares” sipas policisë.