Dy makina janë përfshirë në aksident në lagjen Nr.13 në Durrës këtë mëngjes të hëne, ku janë plagosur dy pasagjere.
Dy vajzat ndodhen nën kujdesin e mjekëve jashtë rrezikut për jetën.
“Rreth orës 08:30, në lagjen Nr.13 Durrës, një automjet me drejtues shtetasin S. L., është përplasur me automjetin me drejtues shtetasin P. T. Si pasojë e përplasjes janë dëmtuar shtetaset O. L. dhe A.L, të cilat ndodhen nën kujdesin e mjekëve, jashtë rrezikut për jetën”, sipas policisë.
Ende nuk dihet shkaku i aksidentit, ndërsa grupi hetimor ndodhet në vendngjarje dhe po punon për sqarimin e rrethanave.