Mëngjesin e sotëm u regjistrua një aksident tragjik në Cerujë të Bashkisë Klos ku humbi jetën 60-vjeçari Petrit Meça, pasi makina e tij përfundoi në humnerë.
Burime pranë Komisariatit të Policisë Mat sqaruan se mjeti që dispononte Meça nuk ndizej.
Një i afërm i tij është përpjekur ta lëvizë mjetin duke e tërhequr me anë të një litari. Makina jo vetëm nuk është ndezur por këputja e litarit shkaktoi lëvizjen e pakontrolluar të makinës e cila përfundoi mbi 100 metra në greminë duke i shkaktuar vdekjen e menjëhershme të shtetasit Petrit Meça.
RELATED STORIES
Fillimisht në vendin e ngjarjes mbërritën efektivë të Postës së Policisë dhe më vonë zyrtarë të Prokurorisë së Rrethit Gjyqësor Mat dhe oficerë të Policisë Gjyqësore pranë Komisariatit të Matit po hetojnë shkaqet e ngjarjes së ndodhur.