Këtë mëngjes britanikët i janë rikthyer punës nëpër zyra dhe larg shtëpive, pasi qeveria e Boris Johnson hoqi kërkesën për të punuar nga shtëpia.
Pasaportat e covidit nuk do të jenë më të detyrueshme për hyrjen në ambiente të ndryshme publike, ndërkohë duke filluar nga e njëjta e ardhme mbajtja e maskave nuk do të jetë më kërkesë e detyrueshme.
Rastet me shtamën e Omicronit, sipas burimeve zyrtare duket se kanë filluar rënien e shpejtë dhe qeveria tashmë si qasje ndaj pandemisë ka të mësuarit e të jetuarit me Covidin.
Vaksinimi i mbi 60-vjeçarëve me dozën e tretë ka arritur 90% të popullsisë, ndërkohë dy dozat nuk i konsideron më të mjaftueshme për tu mbrojtur nga sëmundja.
Këto masa bëhen publike në një moment delikat për kryeministrin Johnson, i cili ndodhet në momentin më të vështirë të mbijetesës në post, pikërisht për shkak të shkeljeve të masave anticovid, edhe pse ai në fazat e vonshme të pandemisë e shndërroj Britaninë në vendin e parë në botë që fillojë vaksinimin anti-Covid dhe një ndër vendet më të shpejta në Evropë që e aplikoi fushatën e vaksinimit.
Këto masa duket se shënojnë fillimin e fundit të pandemisë, ku qeveria thotë se këtej e tutje, Britania do duhet të bashkëjetoj me covidin, i cili duhet trajtuar këtej e tutje si një grip i zakonshëm.