Arrestohet nga policia britanike një 39 vjeçar nga Shqipëria, pasi u kap në një fermë kanabisi në Angli, por tani ai kërcënohet me familje nga njeriu i cili e punësoi të ruante drogën. Gjatë bastisjes së fermës së kanabisit, policia gjeti rreth 200 bimë të tilla me një vlerë prej 48,000 paundësh.
Shtëpia e barit ruhej nga shqiptari Agostin Deda i cili jetonte ilegalisht në Britani dhe ishte i zhytur në borxhe. Ai kishte emigruar drejt Britanisë së Madhe ashtu si shumë të tjerë duke u fshehur në anën e pasme të një kamioni, para se të rekrutohej për të punuar si kopshtar në fermën e kanabisit në Hull të Anglisë.
Deda është kërcënuar me familjen e tij në rast se do të largohej nga ambientet e fermës, teksa dy persona “të rrezikshëm” i erdhën teksa ai ishte në gjumë, shkruan Hulldailymail.
Kjo është dëshmia që ka dhënë vetë Deda për gjykatën angleze. 39 vjeçari fillimisht mohoi se merrej vetë me kanabisin, por më pas pranoi se ishte përfshirë në prodhimin e kanabisit. Për të hyrë me kamion në Britaninë e Madhe, Deda kishte paguar 22,000 paund.