Kandidati i ‘Shtëpisë së Lirisë’ për Bashkinë e Durrësit, i dalë nga primaret e PD-së për zgjedhjet e pjesshme lokale të 6 marsit, Ardian Muka, në prezencë të ish-kryeministrit Sali Berisha, po zhvillon një takim me banorët e Spitallës dhe Porto Romanos
Muka ka prezantuar programin e tij para banorëve të kësaj zone të rëndësishme të Durrësit, ku ka theksuar se ai njihet mirë nga qytetarët ndaj dhe shkon me kokën lart për të kërkuar votën për ndryshimin e qytetit bregdetar.
“Ju falënderoi nga zemra që jeni kaq shumë sonte këtu. Besoj se të gjithë këtu më njihni pasi unë jam një djalë durrsak. Më njihni pasi bashkë kemi zhvilluar beteja politike me të keqen për të sjellë diçka të mirë në këtë zonë. Spitalla është kaq afër Durrësit por realisht ju ndiheni shumë larg Durrësit. Sepse ju kanë konsideruar bastion i së djathtës dhe ju kanë neglizhuar në infrastrukturë, në punësim dhe në gjithçka.
RELATED STORIES
Vij me ballin lartë për të kërkuar votën në zgjedhjet e 6 marsit pasi ju më njihni mirë. Ne jemi një familje dhe në konceptin tim unë kështu i konsideroj qytetarët, si një nga tanët.
Ka ardhur koha që të gjithë bashkë të bëjmë ndryshimin që e presim prej 22 vitesh, ndryshim që e presim për fëmijët dhe familjeve tona.
Kjo zonë ka shumë problematika nga refuzimi i qeverisjes qendrore dhe vendore, pasi ju shohin si kundërshtarë, si periferik dhe të ardhur”, u shpreh Muka.