TIRANË– Kryeministri Edi Rama e ka nisur këtë javë me takime të ngjeshura partiake, që kanë për qëllim mobilizimin e strukturave për të maksimalizuar rezultatin e zgjedhjeve parlamentare, që do të mbahen pranverën e ardhshme. Këtë të mërkurë Rama ka thirrur në kryeministri kryetarët e komisioneve parlamentare dhe sekretarin e përgjithshëm të PS, Blendi Klosi.
Në fokus të këtij takimi ka qenë një koordinim më i mirë mes punës së qeverisë dhe parlamentit. Po ashtu përgjatë takimit që ka pasur me socialistët, Rama ka diskutuar mbi qëndrimet që do të mbahen në seancën e nesërme plenare, ku në rendin e ditës është një interpelancë e kërkuar nga opozita me Kryeministrin për çështjen e mbetjeve.
Të tilla takime të këtij formati do të jenë të shpeshta në funksion te mirëkordinimit të agjendës së qeverisë me parlamentit. Rama mësohet te ketë kërkuar për dy javët në vazhdim që fokusi të jetë tek arsimi dhe miratimi buxhetit të rishikuar dhe i votuar dje në komisionin e ekonomisë.
RELATED STORIES
Komunikimi ka qenë një tjetër pikë e diskutimit nga ku kryeministri ka kërkuar që deputetët kur dalin si ftuar nëpër programe televizive të flasin e ta vënë theksin, në çështjen e javës për diskutim në komisionet parlamentare. Ndërkohë që të premten, Rama pritet që të zhvillojë dhe një takim informal me deputetët në Elbasan, për të koordinuar më mirë nismat dhe qëndrimet që do të mbahen në Kuvend.
Rama ka kërkuar sa më shumë nisma që të ndërmerren nga ligjvënësit, si dhe shmangien e mungesave në seanca dhe në Komisione.