Zbardhen detaje të reja nga atentati pak ditë më parë në Tiranë ku dy persona mbetën të plagosur, Kastriot Elezaj dhe Renaldo Metushi. Nga hetimet ka rezultuar se makina “Golf 5” që u përdor në atentatin në “Don Bosko” ka ardhur në Shqipëri nga dogana e Morinës.
Policia shqiptare i është drejtuar policisë kosovare me një letër-porosi, ku i kërkon informacion për përdoruesin e këtij mjeti, me qëllim rënien në gjurmët e atentatorëve.
Dyshimet e bluve janë për shitje të saj në vendin tonë te autorët për t’u përdorur për atentatin, por mund të jetë kaluar edhe vete nga atentatorët. Targat që u përdorën në mjetin që u dogj më pas, i përkasin një makine në Valias, të cilat dyshohet se janë marrë brenda një garazhi.
