Ka nisur punimet për ndërtimin e Unazës Veriore të Tiranës, pjesë e projekti të Unazës së Madhe.
Ministrja e Infrastrukturës dhe Energjisë, Belinda Balluku gjatë inspektimit u shpreh se pjesa e shpronësimeve do jetë në vëmendje të projektit. Sipas ministres do të merren të gjitha masat për akomodimin edhe të familjeve që kanë banesat e palegalizuara.
Në Lotin e Dytë të Unazës Veriore, deri më tani janë mbyllur 40 për qind e volumit të punës që lidhet me rrugën e Arbrit dhe do shpërndajë fluksin e trafikut të kryeqytetit.
Unaza Veriore ka nje gjatësi prej 2.17 km dhe është konceptuar me 4 korsi, përfshirë edhe të emergjencave.