Shumë besojnë se martesa është eliksiri i lumturisë. Martesa sigurisht që mund ta bëjë njeriun të ndihet më i sigurt, i dashur dhe më pak i stresuar, megjithatë, një studim i ri e hedh poshtë këtë teori dhe zbulon se ata që jetojnë beqarë kanë më shumë gjasa të jetojnë më gjatë se çiftet.
Ky studim thotë se të qenit beqar nuk të trishton dhe as nuk të bën të kërkosh vazhdimisht dashuri. Në vend të kësaj, mund të jetë çelësi për një jetë të mrekullueshme dhe të lumtur. Por si mund ta bëjë një person të jetojë më gjatë statusi i beqarisë?
Emma Morano ishte 117 vjeç dhe ishte personi më i vjetër. Italianja e lindur në vitin 1899, duke festuar ditëlindjen e saj të fundit, zbuloi sekretin e saj për një jetë më të gjatë, që siç tha ajo ishte beqare.
Nuk është rastësi që Japonia, e cila ka jetëgjatësinë më të lartë në botë, është gati të bëhet një “shoqëri super solo” me 50% të njerëzve të lirë.
Në mënyrë të ngjashme, Suedia, e cila aktualisht konsiderohet kryeqyteti i botës me më shumë beqarë, ka gjithashtu një nga normat më të larta të jetëgjatësisë në botë.
Shkenca vërteton se të qenit ‘single’ ofron një sërë përfitimesh shëndetësore.