Ish-kryeministri Berisha ka reaguar pasi Donald Trump sipas FBI-së ishte objekt i një përpjekjeje për atentat në klubin e tij të golfit në Florida të dielën. Berisha shkruan se Partia Demokratike e Shqipërisë shpreh solidaritetin e saj me Partinë Republikane dhe kandidatin e saj për President Donald Trump dhe dënon me forcën më të madhe këtë akt kriminal.
“Miq, mbrëmë një ngjarje e rëndë tronditi SHBA dhe mbarë botën. Armiq të lirisë që mendojnë të diktojnë me plumba rezultatin e zgjedhjeve presidenciale në SHBA kryen në një hark kohor dy mujor një atentat tjetër tentativë vrasjeje ndaj kandidatit për President të Partisë Repubilkane, ish-presidentit Donald Trump në fushën e tij të golfit në Palm Beach.
Atentatori Ryan Wesley Routh u pikas nga shërbimi i fshehtë i presidentit që qëlloi drejt tij në momentin kur ngriti armën dhe po merrte shenjë ish-presidentin për të qelluar atë. Presidenti Trump fill pas atentatit që sipas autoriteteve zyrtare synonte vrasjen e tij njoftoj në platformën X se ai ishte shëndoshë e mirë dhe bëri thirrje për Bashkim, Paqe, të bëjmë Amerikën të madhe përsëri. Ne nuk dorëzohemi!
RELATED STORIES
Partia Demokratike e Shqipërisë shpreh solidaritetin e saj me Partinë Republikane dhe kandidatin e saj për President Donald Trump dhe dënon me forcën më të madhe këtë akt kriminal me të cilin forca të errësirës duan të përcaktojnë me plumba dhe jo me votë rezultatin e zgjedhjeve presidenciale në SHBA, vendin e madh të lirisë” tha ai.