Qeveria çeke ka shpallur ditën e sotme gjendjen e jashtëzakonshme teksa është në pritje të një fluksi të madh refugjatësh ukrainas.
Bëhet me dije se vendimi i qeverisë do të hyjë në fuqi që prej të premtes dhe vendi do të jetë gati për të pritur refugjatët që po ikin nga pushtimi i vazhdueshëm rus.
“Ne po vendosim gjendjen e jashtëzakonshme thjesht për arsye teknike, kështu që ne mund të përballojmë fluksin e refugjatëve,”– tha të mërkurën kryeministri çek Petr Fiala gjatë një konference për shtyp.
“Në asnjë mënyrë kjo nuk do të prekë qytetarët çekë,” shtoi ai gjithashtu.
Bëhet me dije ndër të tjera se gjendja e jashtëzakonshme është caktuar të zgjasë 30 ditë, por ajo mund të zgjatet nga qeveria edhe më shumë nëse është e nevojshme.
