Ministri i Punëve të Brendshme i Kosovës, Xhelal Sveçla në konferencën e mbajtur ditën e sotme në lidhje me sulmin e 24 shtatorit në Banjskë ka folur edhe në lidhje me pronën e organizuesit të grupit terrorist, Milan Radojçiç.
Pak ditë më parë ish-nën kryetari i Listës Serbe pranoi se kishte qenë pjesë e grupit të agresorëve dhe kishte planifikuar sulmin në veri ku mbeti i vdekur efektivi, Afrim Bunjaku.
Sveçla u shpreh në konferencë se vila e Radoiçiçit e cila u bastis pak ditë më parë nga policia është e ndërtuar në tokën e Agjencisë Pyjore të Kosovës.
RELATED STORIES
“Kompleksi superluksoz i Milan Radoiçiqit është i ndërtuar në tokën e Agjencisë Pyjore të Kosovës. Po ashtu ‘bypass’i i tunelit në afërsi është i uzurpuar nga ky kompleks, nga Milan Radoiçiq. Ky ‘bypass është infrastrukturë kritike”, tha Sveçla.
Sveçla gjithashtu shtoi se këtë temë po e bisedon edhe me me ministrin e Bujqësisë, Faton Peci që kjo pronë t’i kalohet Ministrisë së Punëve të Brendshme dhe pastaj të shfrytëzohet nga Policia e Kosovës për stacion për njësitin e barkave në Departamentin e Kufirit.