Komediani britanik Romesh Ranganathan ka ndarë së fundmi me ndjekësit e tij në TikTok ku tregonte se kishte në dorë tatuazh me shqiponjën dykrenare.
Gjatë një interviste me këngëtaren shqiptare Rita Ora, në emisionin “The Jonathan Ross Show”, Ranganathan tha se ishte një gabim, ndërsa tregoi tatuazhi.
“Jam penduar”, u shpreh Ranganathan me shaka, teksa tregonte për vendimin e tij të momentit për të bërë tatuazhin.
RELATED STORIES
Ai shpjegoi se gjithçka ndodhi në një bunker gjatë një vizite në Shqipëri.
“Ka shumë bunkerë në Shqipëri. Në një nga bunkerët që vizitova, ishte një artist që bënte fotografi dhe gjëra të tjera. Ai më tha, ‘Unë bëj gjithashtu tatuazhe, a do të të bëj një?’ dhe unë i thashë, ‘Në rregull, le ta bëjmë’”, rrëfeu komediani duke qeshur.
“O Zot i madh, është pikërisht ajo! Po, është shqiponja jonë, është kaq çmenduri që ti e ke bërë këtë”, tha Rita e habitur.
Komediani tha se kishte respekt të madh për kulturën dhe njerëzit e Shqipërisë.