Ditën e djeshme, Gjykata e Tiranës ka vendosur regjistrimin e Kuvendit të 11 Dhjetorit 2021, dhe statutin e PD të dalë nga ai Kuvend.
Me këtë vendim, Gjykata e Tiranës, zyrtarisht dhe ligjërisht njeh vendimet e Kuvendit Kombëtar të PD-së, për ndryshimet që i hapin rrugë primareve brenda partisë, fuqizimin e anëtarësisë, legalizimin e fraksioneve si dhe përcaktimin e largimit të kryetarit në rast të humbjes së zgjedhjeve të përgjithshme, ndërsa për zgjedhjet lokale kryetari duhet të votëbesohet.
Po kështu, me regjistrimin e statutit të Kuvendit të 11 Dhjetorit, Partisë Demokratike i rikthehet logo e vjetër e partisë, bashkë me simbolet e tjera si vula apo flamuri.
RELATED STORIES
Gjithashtu vendimi i djeshëm i Gjykatës njeh Komisionin e Rithemelimit, si organin e vetëm për drejtimin e PD, deri në Kuvendin e ardhshëm.
Por, çfarë ndodh?
Tashmë të turpëruar dhe të braktisur nga elektorati, gjë që u tregua qartë në 6 Mars, “Babalet” e Lulzim Bashës po heshtin.
Prej ditës së djeshme, kur Gjykata e Tiranës vendosi tiu rikthejë demokratëve selinë dhe vulën e tyre, nuk ka asnjë reagim nga “Babalet” e Lulzim Bashës.
Që nga Ervin Salianji, Grida Duma apo dhe Jorida Tabaku, etj, nuk kanë bërë asnjë reagim pas këtij vendimi.
I vetmi që ka reaguar duke u “përpëlitur” është Enkelejd Alibeaj, i cili doli e tha se “do ta ankimojë” vendimin. Si dhe Gazment Bardhi i cili vijon “çmendurinë” e tij duke kërcënuar gjyqtarin.
Për më tepër, në lidhje me këtë vendim edhe vetë “krye-Babalja”, ka heshtur.
Lulzim Basha është “zhdukur”. Nuk ka asnjë reagim tashmë që edhe juridikisht selia dhe vula e PD, i është rikthyer demokratëve.
Pasi dhunoi demokratët, tentoi të mbajë selinë me dhunë, me përçarje dhe mashtrime, tashmë Basha duket se është “zhdukur”, dhe hesht i tupëruar së bashku me “Babalet” e tij.