Civilët në shënjestër të rusëve/ Autoritetet ukrainase: Janë gjetur mbi 1200 trupa në rajonin e Kievit

Prokurorja e përgjithshme, Iryna Veneditktova tha se autoritetet ukrainase po hetojnë 5,600 raste të krimeve të dyshuara të luftës të kryera nga trupat ruse që nga fillimi i pushtimit, dhe ajo kishte identifikuar mbi 500 kriminelë të dyshuar lufte, duke përfshirë zyrtarë të lartë ushtarakë dhe qeveritarë në Rusi, raporton Sky News.

“Ajo që shohim në të gjitha rajonet e Ukrainës janë krime lufte, krime kundër njerëzimit dhe ne bëjmë gjithçka për ta rregulluar atë”, thotë ajo.

Ajo shton se Ukraina ka prova që Rusia kreu një sulm me raketa në një stacion treni në qytetin lindor të Kramatorsk, i cili vrau më shumë se 50 njerëz që prisnin një tren për t’i çuar në perëndim, në një siguri relative.