Inspektoriat i i Lartë i Drejtësisë ka njoftuar me anë të një njoftimi, sekretarin e Përgjithshëm të PD, Gazment Bardhin se kishin nisur hetimet lidhur me ankesën e bërë sa i përket vlefshmërisë së vendimit të marrë nga gjykata që shpalli legjitim statutin e miratuar nga kuvendi i 11 dhjetorit.
Vendimi i marrë nga gjyqtari Agron Zhukri ka ngjallur diskutime të mëdha pasi nuk është pranuar nga kampi tjetër i PD, konkretisht nga Alibeaj dhe nga Gazment Bardhi të cilët lajmëruan edhe nismën për depozitimin e kërkesës të një procedimi disiplinor ndaj gjyqtarit që mori vendimin.
Nga ana tjetër anëtarët e Komisionit të Rithemelimit, këtë vendim e kanë konsideruar si një legjitimim të organit që ata përfaqësojnë dhe si rrjedhojë janë paraqitur në ambientet e selisë blu ku ka pasur një takim me kryetarin e Komanduar, Enkelejd Alibeaj dhe sekretarin e Përgjithshëm të PD, Gazment Bardhin.
RELATED STORIES
