Drejtori i ‘Delvina gaz’, Kristo Dhima, ndodhet prej 3 ditësh në gjendje të rëndë në spitalin e Sarandës me 7 të qepura në kokë pasi ëshë dhunuar ‘kafshërisht’ nga 5 persona. Dhima ka njollë gjaku brenda kafkës dhe ende mjekët nuk japin garanci për jetën e tij.
Babë e bir, Bledi dhe Enis Ali, Miri Bajrami dhe Ender Meleqi, ky i fundit nipi i nënkryetares së bashkisë së Delvinës Brunilda Meleqi, e kanë goditur drejtorin e “Delvina gaz” me levë në kokë.
Ngjarja e rëndë është mbajtur e fshehtë nga policia, por burimet bëjnë të ditur se Dhima është goditur me levë në kokë nga 5 personat me qëllim për ta vrarë.
RELATED STORIES
Gjithashtu sipas burimeve, dyshohet se ngjarja ka ndodhur për influencë brenda kompanisë “Delvina gaz”.
Incidenti i rëndë nisi si një provokim, fillimisht me makinën për xhamin e pasqyrës dhe përfundoi në dhunë e tentative vrasjeje.
Bledi Ali është hoxhë dhe duke menduar se është person me influence e mbështetje, merr përsipër sulmin me leve, ndërkohë që krimi është kryer nga Miri Bajrami.
Shefi i komisariatit me urdhër të shefave të lartë të policisë shoqëroi hoxhën dhe të birin, por i liroi për 30 min, duke e klasifikuar ngjarjen si sherr ordiner.
Dhuna kafshërore ndaj tij ka ndodhur të enjten (22 qershor) dhe akoma dhe sot policia nuk ka një njoftim zyrtar.