Shkodra vazhdon të mbetet tabuja e socialistëve. Në zgjedhjet e pjesshme, socialistët nuk arritën të fitonin bashkinë, edhe pse përballë kishin dy kandidatë të së djathtës të PD-së dhe të koalicionit Shtëpia e Lirisë e udhëhequr nga ish-kryeministri Sali Berisha.
Ministrja e Shtetit, Edona Bilali, që është edhe e deleguara e PS për Shkodrën me anë të një statusi në rrjetet sociale ka uruar kandidatin Bardh Spahia për fitoren.
“U mbyll gara për Bashkinë Shkodër. Qytetarët me vullnet të lirë caktuan modelin dhe individin me të cilin dëshirojnë të përfaqësohen. Dua ta falenderoj Majlindën që vuri zemrën e tan përkushtimin e saj në dispozicion. Rezultati i arritur nga ajo edhe pse nuk mjaftoi për të fituar garën, është tregues i vlerësimit jo vetëm nga radhët e Partisë Socialiste por edhe nga qytetarët.
Faleminderit edhe të gjithë mbështetësve të kësaj fushate, rinisë, strukturave partiake dhe gjithë atyre që ndihmuan në organizimin dhe mbarëvajtjen e qetë të gjithë proçesit zgjedhor.
Përgëzime për kandidatin fitues. Uroj të vendosë Shkodrën gjithmonë të parën në çdo vendimmarrje”, shkruan ministrja Bilali.
RELATED STORIES
