BRITANI– Katër shqiptarët Dritan Meta, 43-vjeç, Ilir Kodra, 49-vjeç, Refik Skepi, 45-vjeç dhe Visar Elezaj, 39-vjeç, u dënuan nga gjykata në Mbretërinë e Bashkuar për rolet e tyre në një organizatë kriminale. Mediat e huaja shkruajnë se Meta, kreu i grupi, më herët u deklarua fajtor për akuzat e lehtësimit të shkeljes së ligjit të emigracionit në Mbretërinë e Bashkuar dhe prodhimit të kanabisit dhe u dënua me 11 vite burg më 3 shtator.
Nga ana tjetër, Refik Skepi, u deklarua fajtor për prodhimin e kanabisit dhe u dënua me gjashtë vjet burg. Ilir Kodra pranoi gjithashtu të njëjtën vepër penale dhe mori një dënim me katër vjet e shtatë muaj. Ndërsa Visa Elezaj u shpall fajtor për prodhimin e kanabisit dhe për pasojë mori një dënim me tre vjet e gjashtë muaj pas një gjyqi pesë-javor.
Operacioni kundër grupit të organizuar kriminal me bazë në Oksford filloi në prill 2022 dhe zbuloi kultivim të konsiderueshëm të drogës në të gjithë vendin. Një aspekt kyç i operacioneve të grupit ishte kontrabandimi i emigrantëve nga Dunkirk në Francë në Mbretërinë e Bashkuar, duke përdorur gomone.
RELATED STORIES
