Gjykata Themelore në Prishtinë ka caktuar një muaj paraburgim për pesë të dyshuarit në lidhje me konfliktin e armatosur që ndodhi të dielën në mbrëmje në Aktash, ku mbeti i vrarë Premtim Gashi dhe pesë të tjerë u plagosën.
Masat e paraburgimit u vendosën pas një seance të mbajtur në Qendrën Klinike dhe Universitare të Kosovës. Të dyshuarit përfshijnë S.S., K.G., R.Ll., F.A., dhe V.A.
Gjykata theksoi se paraburgimi është i nevojshëm për të parandaluar ikjen e të dyshuarve, ndihmën në ndjekjen e procedurës penale, dhe për të parandaluar përsëritjen e veprave penale.
