Gazetari Artan Hoxha ka bërë sot një rrëfim ndryshe për jetën e tij. Ai u pyet sot sesi i përjeton familja e tij sulmet ndaj tij. Hoxha tregoi se familja është ajo që i përjeton më shumë këto situata.
Madje tregoi një rast kur bashkëshortja e tij kishte hequr çdo aparat elektrik nga priza se mendonte se mund të bllokonte valët e përgjimit.
“Familjarët i përjetojnë më shumë sulmet sesa unë. Bashkëshortja vjen nga bota e medias dhe më kupton, por gjithmonë i përjeton sulmet. Një herë ka arritur deri aty sa hoqi edhe mikrovalën nga priza. Në ato momente unë isha vënë në shënjestër nga politika. Ajo kishte hequr nga priza edhe mikrovalën”, tha Hoxha.
RELATED STORIES
Ai rrëfeu edhe marrëdhënien e veçantë që ka me të birin.
“Unë kam humbur shumë kohë, Djali është 23-vjeç. Ai studion për laborant dentar. Nuk e ka ndjekur profesionin dhe unë aty doja, është shumë i lodhshëm.”, tha Hoxha.