Vendimi i Gjykatës Kushtetuese, për të mos shkarkuar Ilir Metën, është komentuar nga disa prej deputetëve në hyrje të Kuvendit.
I pari që u pyet ishte Erion Braçe, i cili tha se vendimet e Gjykatës duhen respektuar, dhe nuk ka as fitues dhe as të humbur.
Deputeti socialist tha se Ilir Meta duhet të dalë dhe të kërkojë falje për të gjitha herët që ka hedhur baltë dhe akuza në drejtim të gjyqtarëve.
Erion Braçe: Për t’u zbatuar, kur flet Gjykata nuk ka as fitues dhe as të humbur. Edhe njëherë vendimi i Gjykatës është për tu zbatuar deri në fund, unë pres që Ilir Meta të dalë sot dhe të lëpijë të gjithë pështymën që ka hedhur në drejtim të gjyqtarëve, edhe për etikë.
Alibeaj: Vendimet e Gjykatës janë për tu respektuar
Nga ana tjetër më të kursyer kanë qenë deputetët e tjerë të mazhorancës, të cilët janë shprehur që vendimet e Gjykatave janë për tu respektuar nga të gjithë.