Ivanka Trump lajmërohet nga Katari, bën postim lavdërues për Ronaldon dhe më pas e fshin atë

Ish-vajza e parë e Shteteve të Bashkuara të Amerikës, Ivanka Trump, është duke e ndjekur nga afër Kampionatin Botëror 2022.

Ajo ka qenë ditën e djeshme (e enjte) në stadiumin “Lusail” të Katarit, ku ka ndjekur nga afër ndeshjen Brazil-Serbi, e cila përfundoi në rezultat 2-0 në favor të Përfaqësueses së Brazilit.

Ivanka publikoi të premten në llogarinë e saj zyrtare në Twitter një fotografi, ku shihej në tribunat e stadiumit duke ndjekur ndeshjen me bashkëshortin dhe tre fëmijët e saj.

RELATED STORIES

Zbardhet skema, si bënin kontrabandë gjigante cigaresh dhëndri i Shefqet Kastratit Dario Jashari me të atin Ilir Jashari , SPAK i shpall organizatë kriminale dhe lëshon 30 urdhër arreste

May 29, 2025

Krushku dhe dhëndri i biznesmenit Shefqet Kastrati skemë gjigante kontrabande cigaresh, Dario dhe Ilir Jashari kapen nga SPAK

May 29, 2025

Por përpara kësaj, ajo shpërndau një video të futbollistit portugez Cristiano Ronaldo, ku shihej duke shënuar gol në ndeshjen e parë të Portugalisë kundër Ganës.

Foto: Ivanka Trump/Twitter

Por çuditërisht, pasi e publikoi këtë sukses të legjendës së futbollit, vajza e ish-Presidentit Trump vendosi që më pas ta fshijë postimin pa dhënë ndonjë arsye konkrete.

Sido që të jetë, për aq pak sa postimi ka qëndruar në Twitter, nuk iu ka shpëtuar syrit të shumë prej ndjekësve të saj.