Disa ditë më parë Meritoni u zgjodh lider i shtëpisë, fakt që shkaktoi debate mes tij dhe Julit, teksa ky i fundit pas ‘përplasjeve’ me liderin vendosi mos të bëjë punët e shtëpisë.
Teksa tema po diskutohej mbrëmjen e sotme në Prime, Ori tha se Juli ka qenë në gjumë gjatë ditëve që ka kaluar aty, por menjëherë ka ardhur reagimi i tij.
“Unë e di që ti je mësuar me gjumashë”, duke shigjetuar Lulzim Bashën dhe zgjedhjen e saj për t’iu bashkuar Bashës, ndërkohë që Juli është radhitur me Berishën.
RELATED STORIES
Biseda e plotë:
Ori: Kjo situata e liderit ka sjellë gjithnjë një debat. Mendoj që Juli është pak i mërzitur që nuk ka dalë ende lider edhe pse prej disa javësh është hapur televotimi për lider. Por nga ana tjetër, Meritonin e kam parë që ka qenë i kujdesshëm t’i bëjë punët e shtëpisë. Shtëpisa është xixë dhe kjo është merita e tij. E zgjoi nga gjumi Julin.
Juli: Unë s’kam qenë fare në gjumë. Unë kam thënë nëse Meritoni kërkon falje, unë do punoj direkt! Unë e di se je mësuar me gjumashë, por nuk jam unë ai person.
Ori: Juli nëse do të bëjmë bashkë debat politik shkojmë tek Grida Duma kur të dalim. Nëse do flasim për Big Brother jemi këtu. Nëse do isha mësuar me gjumashë, gjumi yt nuk do më bënte përshtypje.
Arbër: Në prime i japin situatave ngjyra të tjera. Diskutimi i fjalës pensionist, unë e kuptoj pse është përdorur por Juli është 40 vjeç, ç’lidhje ka ai me pensionistët?